"ПСЖ" бош мураббийи Кристоф Галтье клубнинг "Интер" ҳимоячиси Милан Шкриньярга қизиқиши ҳақида фикр билдирди.
“Ҳаммаси тугади деб айта олмайман. Милан узоқ вақтдан бери бизнинг мақсадимиз бўлиб келган. "Интер" билан музокаралар жуда қийин, аммо уларнинг позициясини ҳурмат қилиш керак. Гарчи ҳамма нарса ҳали ҳам мумкин бўлса ҳам", - деди Галтье RMC нашрига.
Олдинроқ "Интер" бош директори Беппе Маротта Шкриньяр клубда қолиши ва "ПСЖ"га ўтмаслигини айтганди.
27 ёшли словакиялик 2017 йилдан буён “Интер” сафида тўп тепмоқда. Унинг амалдаги шартномаси 2023 йилгача мўлжалланган.