Россия терма жамоасининг собиқ устози,ҳозирда Венгриянинг "Ференцварош" жамоаси бош мураббийи Станислав Черчесов фаолиятини Туркия чемпионатида давом эттириш имкониятларига эга эди. Бу ҳақда агент Малик Арутюнов "Спорт24" нашрига берган интервьюсида айтиб ўтди.
"Бешиктош" ва "Фенербахче" ўз бош мураббийларини истеъфога чиқариб, Черчесов билан алоқага чиқишганди. Раҳбарият билан алоқа ўрнатилди, улар Черчесовнинг номзодини ўрганишди. Аммо якунда улар маҳаллий мураббий билан шартнома имзолашди" - деди агент.
Эслатиб ўтамиз, Станислав Саламович Россия терма жамоасини тарк этгач, "Ференцварош" мураббийи лавозимини эгаллаган эди. Ўтган мавсумда россиялик мутахассис жамоани чемпионлик унвони ва мамлакат кубогида ғалаба қозонганди.
Черчесовнинг Венгрия клуби билан шартномаси 2024 йилнинг ўрталарига қадар тузилган.
