Лондоннинг "Арсенал" клуби яна трансферни амалга оширишга яқин турибди. Инсайдер Николо Скиранинг сўзларига кўра, “Шахтёр”да тўп сураётган украиналик футболчи Михайло Мудрик инглиз клуби сафига қўшилади.

"Канонирлар" 21 ёшли футболчи билан музокара олиб боришди ва у билан 2027 йилнинг ёзига қадар шартнома борасида келишиб олишди. Потенциал трансфер суммаси 30 миллион еврога баҳоланмоқда.

Аввалроқ, "кончилар" Мудрикни худди шундай товон пули эвазига "Эвертон"га сотмагани ҳақида хабар берилганди.

Михаил "Шахтёр"нинг асосий жамоасида 2021 йилнинг январидан буён ўйнамоқда. Унинг шартномаси 2025/2026 йилги мавсум охиригача амал қилади.