"Ювентус" ярим ҳимоячиси Артур Мело фаолиятини "Ливерпуль"да давом эттириши мумкин, дея хабар беради журналист Фабрицио Романо. Томонлар ижара шартномасини тузишга яқин турибди.
Тез орада ярим ҳимоячи тиббий кўрикдан ўтиши керак, томонлар якуний тафсилотларни келишиб олишади. "Ювентус" бош мураббийи Массимилиано Аллегри Мелони 2022/23 йилги мавсум учун режаларига киритмаган.
"Ливерпуль" ярим ҳимоядаги кадрлар муаммоси туфайли Артурни сотиб олишга қарор қилди.
А Сериянинг жорий мавсумида футболчи бирорта ҳам ўйин ўтказмаган.