Бразилияда туғилган чақалоқлардан бири Швеция терма жамоаси ва "Милан" футбол клуби ҳужумчиси Златан Иброҳимович шарафига шундай номланди. Пернамбуку штатининг Ресифи штатида туғилган болакайнинг тўлиқ исми Златан Иброҳимович Лима да Силва.
Шуниси эътиборлики, жажжи Иброҳимовичнинг отаси ҳам футболча иcм-фамилияга эга – боболари уни ҳам афсонавий футболчи шарафига Франц Беккенбауэр деб аташган.
Бразилиялик Златан Иброҳимовичнинг отаси аввалига чақалоққа шундай ном билан гувоҳнома олишда анча қийналди, қайд қилиш идораси мулозимларига чақалоқ учун танланган исм ўта ғалати туюлди. Оттага суддан махсус рухсат олиб келиш буюрилганда, Франц Беккенбауэр ўзини мисол қилиб кўрсатди ва Златан Иброҳимовичга туғилганлик ҳақида гувоҳнома олишга муваффақ бўлди.
Златаннинг отаси футболнинг ашаддий ишқибози ва маҳаллий "Санта-Круз" клубига мухлислик қилади. Футболча исм олган ўғли эса келажакда ўсиб-улғайиб "Санта-Круз" ўйнашини орзу қилмоқда. Бразилиялик Иброҳимович "Санта-Круз" штат чемпиони бўлишдан роса уч кун аввал таваллуд топган.