Евро-2012 мусобақаларининг финал босқичи 1.274.186 нафар мухлис йиғиб, УЕФА расмий статистикасига кўра рекорд даражани қайд этган. 

1960 йилда Францияда ўтган илк чемпионатда мусобақани минбарлардан атиги 78 минг томошабин кўрган, 1964 йилда испания – 156 минг, 1968 йил Италияда – 192 минг, 1972 йил Бальгияда ва 1976 йил Югославияда 106 мингдан, 1980 ва 1984 йилларда Италия ва Францияда мос равишда 300.000 ва 600 минг.

1988 йил Германия ўз майдонларида 936 минг мухлис тўплаган, 1992 йил Швецияда мухлислар оқими кескин камайган – 429 минг.

Тарихда илк бора миллиондан ортиқ мухлис 1996 йил Англияда ўтган Евроада қайд этилган – 1,270 минг, 2000 йил Бельгия ва Нидерландлар ҳамкорликда ўтказган Еврода 1,1 миллион, 2004 йил Португалияда 1,16 миллион мухлис ўйинни бевосита мусобақа стадионларида кузатишган. 

Аввалги Евро – Австрия ва Швейцария майдонларида ўтган баслашувларни 1,14 миллион фанат кузатиб борган.

Евро-2012даги стадионларга мухлисларнинг ўртача ташрифи 45.507 томошабинни ташкил этмоқда. Бу кўрсаткич бўйича 1988 йили германияда ўтган Евро-88 олдинда Бироқ у пайтда стадионларда қулайликлар камроқ бўлган ва бунинг ҳисобига сиғим ошган.

Турнирнинг энг йирик стадионларида ўтувчи қолган уч учрашув – ярим финаллар ва финал ҳисобга олинса Евро-2012 да мухлислар ташрифи 1 миллион 400 минг мухлисдан ошиши кутилмоқда.

Украина фан-зоналари ҳам рекорд кетидан рекорд қайд этмоқда. Киевда Украина – Франция ўйинида мухлислар учун стадиондан ташқарида ажратилган ҳудуд 140 минг одам тўплаган. Донецкда икки ҳафта мобайнида фан-зонада 350 минг мухлис меҳмон бўлган. Львовдаги фан-зона эса 400 мингдан зиёд фанатни бир жойга тўплаган.