"Ювентус" ярим ҳимоячиси Денис Закария "Челси"га ўтди.
Лондон клуби Швейцария терма жамоасининг 25 ёшли ярим ҳимоячисини сотиб олиш имконияти билан мавсум охиригача ижарага олди.
Олдинроқ уни сотиб олиш 30 миллион фунтни ташкил қилиши хабар қилинганди.
Закария “Ювентус”га шу йилнинг январь ойида Мёнхенгладбахнинг “Боруссия” клубидан ўтган эди. Турин клуби сафида у 15та ўйин ўтказиб, 1та гол урди ва 1та голли узатмани амалга оширди.