“Ливерпуль” сардори Жордан Хендерсон жиддий жароҳат олди. The Times нашри хабарига кўра, ярим ҳимоячи тиззасидан олган жароҳати туфайли жамоасининг кейинги 5 та ўйинини ўтказиб юбориши мумкин.
Эслатиб ўтамиз, Хендерсон "Ньюкасл"га қарши ўйиннинг 72-дақиқасида жароҳати туфайли алмаштирилганди. "Ливерпуль" бош мураббийи Юрген Клопп жароҳат жиддий бўлиши мумкинлигидан қўрқишини тасдиқлади.
"Ливерпуль" кеча ярим ҳимоя позициясига "Ювентус"дан Артур Мелони ўз сафига қўшиб олди. Хендерсондан ташқари, Алекс Окслейд-Чемберлен ва Тиаго Алькантаралар ҳам жароҳат олган.
