Бугун, 2 сентябрь куни Аргентина чемпионатида барча футбол учрашувлари бекор қилинди. Бу қарор мамлакат вице-президенти Кристина Фернандес де Киршнерга суиқасд уюштиришга уриниш бўлганлиги муносабати билан қабул қилинди, дея хабар беради Аргентина футбол ассоциацияси.
Эслатиб ўтамиз, Аргентинанинг собиқ президентига суиқасд уюштиришга уриниш бўлганди. Сўнгги бир неча ҳафта ичида Кристина Фернандес де Киршнернинг уйи ёнида кўплаб одамлар тўпланиб, уни коррупция айбловлари остида қўллаб-қувватламоқда. Бу сафар одамлар оломон орасида қуролли эркак пайдо бўлди ва у қуролни аёлга қаратди, аммо ўз вақтида зарарсизлантирилди.
Натижада муваффақиятсиз қотил ҳуқуқ-тартибот идоралари томонидан қўлга олинди, Кристина Фернандес де Киршнернинг ўзи эса жароҳат олмаган. Бироқ, бу воқеа маҳаллий ҳукумат учун барча оммавий тадбирларни бекор қилиш учун сабаб бўлди.
