Польшалик ҳимоячи Ян Беднарек ёзги трансфер ойнасида жамоасини ўзгартирди. 26 ёшли польшалик футболчи “Саутгемптон”дан “Астон Вилла”га кўчиб ўтди, деб хабар беради “шерлар” матбуот хизмати.
Томонлар жорий мавсум охиригача мўлжалланган ижара шартномасини имзоладилар. Англия Премьер-лигасининг жорий мавсумида Беднарек иккита учрашувда иштирок этди ва самарали ҳаракатлари билан ажралиб турмади.
Беш турдан сўнг "Астон Вилла" 3 очко тўплаган ҳолда, АПЛ турнир жадвалида сўнгги ўринда бормоқда. Стивен Жеррард шогирдлари навбатдаги ўйинни "Манчестер Сити"га қарши ўтказишади.
