"Манчестер Юнайтед" бош мураббийи Эрик тен Хаг жамоасининг жорий мавсумдаги ҳимоявий ўйинини юқори баҳолади.
"Манкунианликлар" сўнгги учта ўйинда учта ғалаба қозонишган ва ўз дарвозаларидан фақат битта гол ўтказиб юборишган.
"Ҳимояда кўпроқ ўйнаяпмиз? Биз жамоавий ҳимояланяпмиз. Бу эса ҳимоячиларнинг ишини осонлаштиради.
Ҳимоячилар бир-бирларини қўллаб-қувватлайдилар, улар ҳамма нарсани биргаликда бажарадилар, шунинг учун улар яхши ўйин кўрсатишади. Рақибларга голли вазиятлар яратишда қийинчиликка дуч келишмоқда. Буни биз ҳозир майдонда кўряпмиз", - деди Тен Хаг "Манчестер Юнайтед" расмий сайтига.
