"Барселона"га янги келган Эктор Бельерин ҳар бир футболчи Каталония клубига ўтишни орзу қилишини тан олди.
“Бу ҳар бир инсон қачондир амалга оширишни орзу қиладиган ишлардан биридир. Аммо турли сабабларга кўра бу содир бўлмайди. Ростини айтсам, бу йил мен бу ерда бўлишни кутмагандим, лекин уйга қайтганимдан жуда хурсандман.
16 ёшида кетган бола қайтиб келган 27 ёшли менга тенг келмайди. Мен жуда фахрланаман ва йўлда учрашган ҳар бир кишидан миннатдорман. Бугун мутлақо бошқа одам қайтади, лекин ҳар доимгидек, футбол ўйнашга иштиёқи билан", - деди Бельерин клуб матбуот хизматига.
