"ПСЖ" бош мураббийи Лига 1 доирасида "Нант"га қарши ўйиндан (3:0) сўнг ўз фикрларини билдирди.
Сешанба куни парижликлар Чемпионлар лигаси гуруҳ босқичининг 1-турида “Ювентус”га қарши майдонга тушади.
“Биз ўзимизни яхши ҳис қиляпмиз, барқарорлик бор, футболчиларнинг кайфияти аъло. Уларда майдонда ўзаро ҳаракат қилиш истаги катта.
Чемпионлар лигаси аллақачон бошқа даража, "Юве"га қарши ўйин эса бугунги ўйиндан фарқ қилади. Уларнинг "Фиорентина" билан ўйинини (1:1) диққат билан кузатдим. "Ювентус" бу мусобақада катта тажрибага эга ва биз жуда қаттиқ ишлашимиз керак, ҳимояда жуда ихчам ўйнашимиз ва барибир гол ура олишимиз керак", - дейди Кристоф Галтье.
