"Рома" бу мавсумда илк бор А Серияда мағлуб бўлди.

Римликлар Италия чемпионати 5-тури доирасидаги ўйинда “Удинезе”га йирик ҳисобда имкониятни бой беришди (0:4).

Бу мағлубият аввал уч марта ғалаба қозониб, бир марта дуранг ўйнаган мураббий Жозе Моуриньо жамоаси учун биринчиси бўлди.

Қолаверса, бу португалиялик мураббийнинг А Сериядаги фаолиятидаги энг йирик мағлубиятидир.

Жозе шу кунгача ўзи иштирок этган чемпионатда атиги икки марта 4 ва ундан кўп гол фарқи билан мағлуб бўлган: 2010 йилда "Реал" билан "Барселона"дан (0:5) ва "Манчестер Юнайтед" билан "Челси"дан (0:4).

Кейинги ўйинда “Рома” Европа лигасида “Лудогорец”га қарши майдонга тушади, шундан сўнг “А” серияда “Эмполи” билан тўқнаш келади.

Аввалроқ Моуриньо август ойида А Сериянинг энг яхши мураббийи деб топилганди.