"Roma" bu mavsumda ilk bor A Seriyada mag‘lub bo‘ldi.

Rimliklar Italiya chempionati 5-turi doirasidagi o‘yinda “Udineze”ga yirik hisobda imkoniyatni boy berishdi (0:4).

Bu mag‘lubiyat avval uch marta g‘alaba qozonib, bir marta durang o‘ynagan murabbiy Joze Mourinyo jamoasi uchun birinchisi bo‘ldi.

Qolaversa, bu portugaliyalik murabbiyning A Seriyadagi faoliyatidagi eng yirik mag‘lubiyatidir.

Joze shu kungacha o‘zi ishtirok etgan chempionatda atigi ikki marta 4 va undan ko‘p gol farqi bilan mag‘lub bo‘lgan: 2010 yilda "Real" bilan "Barselona"dan (0:5) va "Manchester Yunayted" bilan "Chelsi"dan (0:4).

Keyingi o‘yinda “Roma” Yevropa ligasida “Ludogores”ga qarshi maydonga tushadi, shundan so‘ng “A” seriyada “Empoli” bilan to‘qnash keladi.

Avvalroq Mourinyo avgust oyida A Seriyaning eng yaxshi murabbiyi deb topilgandi.