"Манчестер Юнайтед" бош мураббийи Эрик тен Хаг Англия Премьер-лигасининг 6-турида "Олд Траффорд"да "Арсенал"га қарши ўйиндан сўнг (3:1) бразилиялик янги футболчи Каземирони нима учун захирада ушлаб туришини тушунтирди.
"У жамоада янги, у жамоага мослашиши керак. У менинг футбол ўйнаш услубимга кўникиши керак. Бошқа томондан, Скотт МакТоминай жуда яхши ўйнаяпти", деб Тен Хагнинг сўзларидан иқтибос келтиради BBC Sport журналистлари.
Эслатиб ўтамиз, 30 ёшли Каземиро 2022 йилнинг 22 августида "Реал"дан 70,65 миллион евро эвазига ўтиб, инглиз клуби футболчисига айланган эди.
