Туриннинг "Ювентус" клуби тарихидаги энг яхши тўпурар Алессандро Дель Пьеро "кекса синьора"нинг Чемпионлар лигаси гуруҳ босқичидаги илк ўйинидан олдинги фикрлари билан ўртоқлашди.
Эслатиб ўтамиз, туринликлар бугун Тошкент вақти билан соат 00:00да "ПСЖ" жамоасига қарши сафарда баҳс олиб боради.
"Мағлубият катта драма бўлмайди, аммо ёмон ўйин бўлса, ҳаммаси ёмонроқ бўлади. "Ювентус" энг яхши натижаларга эриша олмаганидан кейин ўйинга яқинлашмоқда, шунинг учун бу ўз таъсирини ўтказади", - деди Дель Пьеро Football Italia билан суҳбатда.
Эслатиб ўтамиз, "Ювентус" Италия А Сериясининг дастлабки 5 турида фақат иккита ғалаба қозонди ва учта дуранг қайд этганди. Массимилиано Аллегри шогирдлари турнир жадвалида еттинчи ўринда бормоқда.
