"Интер" бош мураббийи Симоне Инзаги Чемпионлар лигаси доирасидаги "Бавария" билан бўлажак учрашувдан олдинги фикрлари билан ўртоқлашди. Учрашув чоршанба куни Миланда бўлиб ўтади.
“Эртага мухлисларимиз бизга жиддий ёрдам беришади. Биз рақибимизни биламиз, “Милан”га қарши дербидаги мағлубиятдан кейин ўзимизни тикламоқчимиз. Биз жуда қийин гуруҳга тушиб қолдик - ўтган мавсумга қараганда қийинроқ.
"Бавария"га келсак, бу жамоа Чемпионлар лигасида ғалаба қозониш учун уч-тўртта асосий давогарлардан бири", - деди италиялик мутахассис матбуот анжуманида.
“Нерадзурри” билан бир гуруҳда “Барселона” ва Чехиянинг “Виктория” Пльзен клублари ҳам бор.
