"Inter" bosh murabbiyi Simone Inzagi Chempionlar ligasi doirasidagi "Bavariya" bilan bo‘lajak uchrashuvdan oldingi fikrlari bilan o‘rtoqlashdi. Uchrashuv chorshanba kuni Milanda bo‘lib o‘tadi.
“Ertaga muxlislarimiz bizga jiddiy yordam berishadi. Biz raqibimizni bilamiz, “Milan”ga qarshi derbidagi mag‘lubiyatdan keyin o‘zimizni tiklamoqchimiz. Biz juda qiyin guruhga tushib qoldik - o‘tgan mavsumga qaraganda qiyinroq.
"Bavariya"ga kelsak, bu jamoa Chempionlar ligasida g‘alaba qozonish uchun uch-to‘rtta asosiy davogarlardan biri", - dedi italiyalik mutaxassis matbuot anjumanida.
“Neradzurri” bilan bir guruhda “Barselona” va Chexiyaning “Viktoriya” Plzen klublari ham bor.
