Мюнхеннинг “Бавария” клуби бош мураббийи Юлиан Нагельсманн Чемпионлар лигаси гуруҳ босқичининг 2022/23 йилги мавсуми 1-турида “Интер”га қарши ўйин олдидан журналистлар билан суҳбатлашди.
“Биз анча тажрибали рақибга қарши ўйнаймиз. Уларда ажойиб мураббий ва кўплаб яхши футболчилар бор. Ўйлайманки, улар бизга кўп бўш жой бермасликка ҳаракат қилишади.
Мен Садио Манедан катта қайтишни кутаман, у ҳам гол уриши, ҳам голли узатма бериши мумкин. Уни етакчи дейиш мумкин эмас, лекин у ажойиб характерга эга, шунинг учун у жамоани олдинга олиб чиқа олади", - дея мураббийнинг сўзларидан иқтибос келтиради Get German Football News.
