"Бавария" ярим ҳимоячиси Жамол Мусиала болалигида қайси жамоага мухлислик қилгани ҳақида гапирди. Германия терма жамоаси футболчиси “Барселона”га мухлислик қилган.
“Болалигимда севимли жамоам “Барселона” эди. Менда Мессининг футболкаси бор эди. Бускетс, Хави ва Иньесталар иштирокидаги ярим ҳимоя мени ҳайратга соларди. Мен уларнинг ўйинларини қайта-қайта томоша қила оламан” - деди Мусиала Sport Bild нашрига берган интервьюсида.
Эслатиб ўтамиз, Мусиаланинг ўзи Лондоннинг "Челси" клуби тарбияланувчиси ҳисобланади. Футболчи Германия терма жамоасида ўйнаш учун Англия терма жамоасида иштирок этишдан бош тортишга қарор қилди.
Янги мавсумда Мусиала 4 учрашувда 3 та гол урди ва битта голли узатмани амалга оширди.