"Bavariya" yarim himoyachisi Jamol Musiala bolaligida qaysi jamoaga muxlislik qilgani haqida gapirdi. Germaniya terma jamoasi futbolchisi “Barselona”ga muxlislik qilgan.
“Bolaligimda sevimli jamoam “Barselona” edi. Menda Messining futbolkasi bor edi. Buskets, Xavi va Inyestalar ishtirokidagi yarim himoya meni hayratga solardi. Men ularning o‘yinlarini qayta-qayta tomosha qila olaman” - dedi Musiala Sport Bild nashriga bergan intervyusida.
Eslatib o‘tamiz, Musialaning o‘zi Londonning "Chelsi" klubi tarbiyalanuvchisi hisoblanadi. Futbolchi Germaniya terma jamoasida o‘ynash uchun Angliya terma jamoasida ishtirok etishdan bosh tortishga qaror qildi.
Yangi mavsumda Musiala 4 uchrashuvda 3 ta gol urdi va bitta golli uzatmani amalga oshirdi.
