"Атлетико" президенти Энрике Сересо мураббийлар штабидан ҳужумчи Антуан Гризманни 60-дақиқадан кейин майдонга туширишни сўрамаганини айтди.

"60-дақиқадан кейин Гризманни захирадан майдонга тушириш ҳақида буйруқ борми? Антуан ажойиб футболчи ва мен у билан бирга эканлигидан жуда хурсандман. У ажойиб инсон ва мен у билан ажойиб муносабатдаман. Мен ҳеч қачон таркиб танлаш ва шунга ўхшаш нарсаларга аралашмайман", - дейди Сересо.

Олдинроқ Мадрид клуби "Барселона"га ҳужумчи учун 40 миллион евро тўламаслик учун фақат 60-дақиқадан сўнг майдонга тушираётгани хабар қилинганди.

31 ёшли Гризманн жорий мавсумда Ла Лиганинг тўртта ўйинидан учтасида иккита гол урди.