"Барселона" ярим ҳимоячиси Миралем Пьянич Бирлашган Араб Амирликларининг "Шаржа" клуби билан шартнома имзолади.
Клуб матбуот хизмати хабарига кўра, 32 ёшли босниялик БАА клубига ҳеч қандай товон пулисиз текинга келиб қўшилган. Пьяничнинг шартномаси икки мавсумга мўлжалланган ва узайтирилиши мумкин.
Олдинроқ ярим ҳимоячи "Барселона" билан шартномани бекор қилиши ва "Шаржа"га текинга ўтиши хабар қилинганди.
Пьянич ўтган мавсумни "Бешиктош"да ижарада ўтказди. Босниялик футболчи 2020 йилнинг ёзида "Барселона"га ўтган эди.













