"Barselona" yarim himoyachisi Miralem Pyanich Birlashgan Arab Amirliklarining "Sharja" klubi bilan shartnoma imzoladi.
Klub matbuot xizmati xabariga ko‘ra, 32 yoshli bosniyalik BAA klubiga hech qanday tovon pulisiz tekinga kelib qo‘shilgan. Pyanichning shartnomasi ikki mavsumga mo‘ljallangan va uzaytirilishi mumkin.
Oldinroq yarim himoyachi "Barselona" bilan shartnomani bekor qilishi va "Sharja"ga tekinga o‘tishi xabar qilingandi.
Pyanich o‘tgan mavsumni "Beshiktosh"da ijarada o‘tkazdi. Bosniyalik futbolchi 2020 yilning yozida "Barselona"ga o‘tgan edi.













