"Барселона" бош мураббийи Хави вингер Усмон Дембеле билан Неймарни солиштирди.

Кеча Чемпионлар лигаси гуруҳ босқичидан ўрин олган "Барса" ва "Виктория Пльзень" ўртасидаги ўйинда вингер иккита голли узатмани амалга оширди.

“У бахтли. Усмон роҳатланиб, қувончни ҳис қилади, бу мен учун ҳам, жамоа учун ҳам муҳим. У фарқ қилади - жамоадошларига ассистентлик қилади ва гол уради. Унинг яхши даври бор.

Мен шошмоқчи эмасман, лекин энг яхши Дембеле Неймар даражасида ўйнай олади. Усмон бироз дадилроқ ўйнаши керак - тез-тез зарба бериш ва гол уриш учун.

Усмон яхши йигит. У бу хусусиятлардан фойдаланиши керак. У бу ерга ўзгаришлар киритиш учун келган ва буни амалга оширмоқда”, - дейди Хави.

25 ёшли футболчи бу мавсумда "Барса" сафида 5 ўйинда 1 та гол урди ва 4 та голли узатмани амалга оширди.