"Брайтон" бош мураббийи Грем Поттер "Челси"нинг янги бош мураббийи бўлди, дея маълум қилди журналист Фабрицио Романо.
Манбага кўра, томонлар ҳамкорлик бўйича тўлиқ келишувга эришган ва яқин орада англиялик мутахассис янги жамоа бош мураббийи сифатида таништирилади.
Эслатиб ўтамиз, кеча "Челси" бир ярим мавсум лондонликлар бош мураббийи сифатида ишлаган германиялик Томас Тухель билан хайрлашганини расман эълон қилди. Маълумотларга кўра, "кўклар"нинг бош мураббийлигига Маурисио Почеттино, Рубен Аморим ва Зинедин Зидан ҳам номзод бўлган.
Эслатиб ўтамиз, 47 ёшли Поттер “Брайтон”ни 2019 йилдан бери бошқариб келмоқда. Унинг мураббийлик фаолиятидаги энг юқори ютуғи 2021/2022-йилги мавсум якунида Премьер-лигадаги тўққизинчи ўриндир. Турнирнинг жорий мавсумидаги олти турдан сўнг “Брайтон” 13 очко билан турнир жадвалида тўртинчи ўринда бормоқда.
