Суперлиганинг 18-туридан ўрин олган "Қизилқум" – "Олимпик" учрашувидан сўнг навоийликлар бош мураббийи Никола Лазаревич ўз фикрлари билан ўртоқлашди.

- Биринчи навбатда ҳамкасбим Темур Кападзе ва унинг шогирдларини Осиё чемпионатида ажойиб натижа кўрсатгани билан табриклайман. Мен биламан “Олимпик” – Суперлигадаги жуда яхши жамоа, таркибда ажойиб футболчилар йиғилган,  келажакда бунданда яхши натижалар қайд этади. Ўйин борасида гапирсам, баҳс қийин кечишини олдиндан билгандик. Шунга яраша тайёргарлик кўргандик. Бугун барча чизиқларда бехато ўйнадик. Яратилган вазиятларимиздан фойдалана олмадик. Агар уларни ҳам голга айлантирсак бўларди. Умуман олганда, жамоам тартибли ўйин намойиг этди. Ҳимояда ҳам яхши ҳаракат қилдик. Жамоамни ушбу муваффақият билан табриклайман.