"Фиорентина" бош мураббийи Винченцо Итальяно Конференциялар лигаси гуруҳ босқичи 1-турида Латвиянинг "РФШ" клуби билан учрашувдан кейинги фикрлари билан ўртоқлашди. Учрашув 1:1 ҳисобида якунига етди.
“Жамоа имкониятлар яратади, лекин гол урмайди. Шу боис рақиб устидан устунлик қилсак-да, ўйинларда ғалаба қозона олмаяпмиз. Дурангдан ҳафсалам пир бўлди, биз рақибдан яхшироқ эдик. Ҳужумлар якунида ҳаракатларни яхшилашимиз керак. Муаммо бор ва бу шармандалик”, - деди мураббий УЕФА матбуот хизматига.
Еврокубоклар доирасидаги навбатдаги учрашувни Флоренция клуби 15 сентябрь куни Туркиянинг “Истанбул” жамоасига қарши ўтказади.
