"ПСЖ" бош мураббийи Кристоф Галтье жамоага янги келган Фабиан Руис ва Карлос Солерларнинг жисмоний ҳолати ҳақида гапирди.

"Улар бу ерда бўлишдан хурсанд. Карлос Солер яхши ҳолатда. У сўнгги ўйинини ўн кун олдин "Валенсия" таркибида ўтказди. У фақат янги жамоадаошларидан ва мен ундан майдонда нима талаб қилишимни билиши керак. Бошқа томондан, Фабиан жуда кам ўйнади. Биз у тезроқ сафимизга қўшилади деб ўйлагандик, лекин жисмоний ҳолатда бироз орқада. Машғулотларда у қолганларга қараганда бир оз кўпроқ ишлайди", - деди Галтье RMC Sport билан суҳбатда.

1 сентябрь куни ярим ҳимоячилар Руис ва Солер "ПСЖ" билан 2027 йилгача шартнома имзоладилар.

Парижликлар 6 турдан кейин 16 очко билан Лига 1 турнир жадвалида пешқадамлик қилмоқда.