"Насаф" жамоасининг 23-рақамдаги иқтидорли ярим ҳимоячиси Мирзакамол Камолов фарзандлик бўлди.
Мирзакамолга бу ҳақдаги хабарни 26 июнь куни жамоа билан Бухоро шаҳридан қайтиб келаётганда ўйдагилари хабар беришган. Биз бу ҳақдаги хушхабарни бугун "Насаф" ПФК матбуот хизмати раҳбари Азиз Нурий орқали бохабар бўлдик ва кутиб турмасдан Мирзакамолга қўнғироқ қилдик.
- Мизакамол ассалому алайкум!
-Ва алайкум ассалом
- Биз бир хушхабар эшитдик, ўғил фарзандлик бўлибсиз, фурсатдан фойдаланиб, сизни янги фарзанд билан табриклаймиз, Илоҳим умри билан берган бўлсин, солиҳ фарзанд бўлсин, келгусида катта йигитлар бўлсин. Бу янги меҳмон нечанчи фарзандингиз? (қўнғироқ қилаётганда Мирзакамолни ўтган йили никоҳ тўйи бўлганлиги ёдимиздан кўтарилибди)
- Раҳмат эътиборларингиз учун, биринчи фарзандим (жуда хурсандлиги сезилиб турарди)
-Фарзандингизга қандай исм қўйдингиз? Қачон ҳақ берасиз? (бизда янги фарзандлик бўлганларга шундай дейишади)
- Ҳали исм қўйганимиз йўқ, тўғриси оиламизни анъанасига кўра фарзандимга исмни ота-онам қўйишади.Қандай ҳақ берай?
- Сизни жамоамиз сафида яхши ўйнаб, жамоамиз ғалаба қилса шу Сизни биз мухлисларга берган "зиёфат"ингиз бўлади. Ўлғайса ўзингизга ўхшаган футболчи бўладими?
- Насиб бўлса, жамоамизда яхши ўйин кўрсатиб ғалабасига ўз ҳиссамни қўшиш аслида бу бурчим ҳисобланади. Агар шу билан Сизларни (мухлисларни) рози қилсам, доимо ҳақ беришга тайёрман. Насиб бўлса фарзандим ўлғайсин албатта футболчи бўлади.
