"Вольфсбург" клуби ва Дания терма жамоаси ҳужумчиси Йонас Уинд келажакда "Арсенал"да ўйнашни хоҳлашини тан олди.
“Келажакда фаолиятимни қаерда давом эттиришим мумкинлиги ҳақида ўйлаб кўриш керак бўлса, “Арсенал” менинг орзумдаги клуб, Чунки у доим менинг севимли жамоам бўлиб келган. Умуман олганда, мен Премьер-лигани дунёнинг энг яхши лигаси деб биламан ва у ерда ўйнаш менга қизиқ бўларди.
Лекин ҳозир бор эътиборимни бошқа нарсага қаратганман. "Вольфсбург"да мен яхши ишлаяпман, бу мен учун яхши клуб, Бундеслига эса ажойиб чемпионат", - деди Уинд Bulinews билан суҳбатда.
23 ёшли даниялик футболчи 2022 йилнинг 31 январида “Вольфсбург”га келиб қўшилган ва Бундеслиганинг 14 ўйинида 5 та гол урган.
