"ПСЖ" Лига 1нинг 7-тури доирасидаги ўйинда "Брест"ни мағлуб этди (1:0).
Учрашув Париждаги "Парк де Пренс" стадионида бўлиб ўтди.
Ўйиндаги ягона гол Париж клуби ҳужумчиси Неймар томонидан киритилди.
Шу тариқа, 30 ёшли бразилиялик Лига 1да ўйнаган барча жамоаларга қарши голли ҳаракатларни амалга оширди.
Жорий мавсумда Неймар парижликлар сафида барча мусобақаларда 8 та ўйинда 9 та гол урди ва 7 та голли узатмани амалга оширди. Ҳужумчининг клуб билан шартномаси 2025 йилнинг 30 июнига қадар мўлжалланган.
Франция чемпионатининг 7-туридан сўнг "ПСЖ" 19 очко жамғариб, турнир жадвалида 1-ўринда бормоқда. "Брест" 5 очко билан 17-ўринда.
