"Ювентус" бош мураббийи Массимилиано Аллегри Италия чемпионатининг 6-тури доирасида "Салернитана"га қарши ўйиндан олдин ўз фикрлари билан ўртоқлашди.
“Жорий мавсумда чемпионатда қолиш учун курашаётган жамоалар орасида "Салернитана" мен учун ҳам якка тартибда ҳам, жамоада ҳам энг яхшиларидан бири. Бу энг муҳим учрашув, чунки у бизга кейинги ўйинлар учун туртки бериши мумкин. Биз ўйинга жиддий қарашимиз керак, бизга уч очко керак", - дея Аллегрининг сўзларини келтиради клуб матбуот хизмати.
Италия чемпионатининг беш туридан сўнг “Ювентус” 9 очко билан турнир жадвалида 8-ўринда, “Салернитана” 6 очко билан 10-ўринда бормоқда.
"Ювентус" - "Салернитана" учрашуви 11 сентябрь куни Тошкент вақти билан соат 23.45да бўлиб ўтади.
