"Yuventus" bosh murabbiyi Massimiliano Allegri Italiya chempionatining 6-turi doirasida "Salernitana"ga qarshi o‘yindan oldin o‘z fikrlari bilan o‘rtoqlashdi.
“Joriy mavsumda chempionatda qolish uchun kurashayotgan jamoalar orasida "Salernitana" men uchun ham yakka tartibda ham, jamoada ham eng yaxshilaridan biri. Bu eng muhim uchrashuv, chunki u bizga keyingi o‘yinlar uchun turtki berishi mumkin. Biz o‘yinga jiddiy qarashimiz kerak, bizga uch ochko kerak", - deya Allegrining so‘zlarini keltiradi klub matbuot xizmati.
Italiya chempionatining besh turidan so‘ng “Yuventus” 9 ochko bilan turnir jadvalida 8-o‘rinda, “Salernitana” 6 ochko bilan 10-o‘rinda bormoqda.
"Yuventus" - "Salernitana" uchrashuvi 11 sentyabr kuni Toshkent vaqti bilan soat 23.45da bo‘lib o‘tadi.
