АҚШ терма жамоаси бош мураббийи Грегг Берхалтернинг фикрича, ҳамкасби Томас Тухелнинг "Челси"дан истеъфога чиқарилиши вингер Кристиан Пулишичга фойда келтириши мумкин.
Пулишич сўнгги ойларда "Стэмфорд Бридж"да ўйнаган дақиқалар сонидан яққол ҳафсаласи пир бўлди ва бу Қатарда бўлиб ўтадиган 2022 йилги Жаҳон чемпионати яқинлашаётгани сабабли, Берхалтер ва Кристианнинг ўзи учун хавотир уйғотди.
Бироқ, ўтган ҳафта ўрталарида "Челси" Тухелни истеъфога чиқарди ва унинг ўрнига Грэм Поттерни тайинлади. Шу сабабли, янги бош мураббий Пулишичга кўпроқ ишонч билдиришига АҚШ терма жамоаси устози умид қилмоқда.
"Биров ишини йўқотса, хурсанд бўлмайман. Аммо бу Кристианнинг имкониятлари кўпроқ бўлишини англатса, бу ижобий, чунки у энг юқори савияда ўйнай олишини исботлаган йигит. Биз кутишмиз керак", - деди Берхалтер Daily Express билан суҳбатда.
