"Челси" бош мураббийи Грэм Поттер "кўклар" кийиниш хонасидаги муҳитни қандай яхшилаш ниятида эканлиги ҳақида гапирди.
Эслатиб ўтамиз, "аристократлар" ҳозирда Премьер-лига турнир жадвалида олтинчи ўринда бормоқда.
“Футболчилар биринчи навбатда спортчи эмас, балки одамлардир. Мен доим ҳар бир футболчини, унинг мотивациясини, ташвишларини тушунишга ҳаракат қиламан. Бу ишончли муносабатларни ўрнатишнинг ягона йўли", - деди Поттер "Челси" расмий сайтига.
Поттер чоршанба куни "Стэмфорд Бридж"да "кўклар" бошқарувидаги дебют учрашувини ўтказади. Чемпионлар лигаси гуруҳ босқичи 2-тури доирасида “Челси” ўз майдонида Австриянинг “Зальцбург” клубини қабул қилади.
