Ўтган ҳафтада Россия ҳамда Босния ва Герцеговина терма жамоалари ўртасида ўртоқлик ўйини бўлиб ўтиши маълум бўлди. Жамоалар 19 ноябрь, шанба куни Санкт-Петербургда тўқнаш келишади.
Metaratings нашри изоҳ учун УЕФАга мурожаат қилди. Иттифоқ матбуот хизмати терма жамоаларнинг ўртоқлик ўйинлари уларнинг ваколатига кирмаслигини маълум қилди. Шу тариқа УЕФА учрашувга аралашмайди.
Эслатиб ўтамиз, Босния ва Герцеговинада Россияга қарши ўйинни ҳамма ҳам қўллаб-қувватламайди. Масалан, Босния терма жамоаси етакчилари Миралем Пьянич ва Эдин Жеко майдонга тушишдан бош тортмоқда.
