Чемпионлар лигаси гуруҳ босқичи 2-туридан ўрин олган Лондоннинг “Челси” ҳамда Австриянинг “Зальцбург” клублари ўртасидаги учрашув белгиланган тартибда бўлиб ўтади. Бу ҳақда Британиянинг BBC нашри хабар бермоқда.
УЕФА "Челси" ўз уйида керакли даражадаги хавфсизликни таъминлашига ишонч ҳосил қилди. Аввалроқ, қиролича Елизавета IIнинг ўлими билан боғлиқ бўлган Буюк Британиядаги мавжуд вазият туфайли учрашув ўтказилмаслиги ҳақида хавотирлар пайдо бўлганди.
Биринчи турда “Челси” сафарда Загребнинг “Динамо” жамоасига 0:1 ҳисобида имкониятни бой берди. Ушбу ўйиндан сўнг Лондон клуби бош мураббийи Томас Тухелдан айрилди. Тухель жамоани 2021 йилда иккинчи марта Чемпионлар Лигаси чемпионлиги сари етаклаб келганди.
