Венгриянинг "Ференцварош" сафида тўп сураётган 27 ёшли ҳужумчи Адама Траоре фаолиятини Туманли Альбионда давом эттириши мумкин. Станислав Черчесов шогирдига Англия Премьер-лигаси вакилларидан бири қизиқиш билдирмоқда.
The Sun нашри хабарига кўра, "Эвертон" футболчини ўз сафига қўшиб олишни режалаштирмоқда. Келишув январь ойидаги трансфер ойнасида якунланиши мумкин.
2022/2023 йилги мавсумда Траоре "Ференцварош" таркибида мусобақаларда 14 та ўйинда қатнашиб, 12 та гол ва 4 та голли узатмани амалга оширди.
АПЛнинг 6 туридан сўнг “Эвертон” турнир жадвалида 16-ўринни эгаллаб турибди.
