“Манчестер Юнайтед” расмий сайти Молдованинг “Шериф” жамоасига қарши Европа лигаси доирасидаги сафар ўйинига йўл оладиган футболчилар рўйхатини эълон қилди.

Рўйхатда жамоанинг жорий мавсумда ҳали самарали ҳаракатлари билан қайд этилмаган ҳужумчиси Криштиану Роналду ҳам бор.

Бироқ рўйхатга Антони Марсьяль, Маркус Рэшфорд, Донни ван де Бек ва Аарон Уан-Биссакалар киритилмаган.

“Шериф” – “Манчестер Юнайтед” учрашуви 15 сентябр куни Тошкент вақти билан соат 21:45да бошланади. Биринчи турда Молдова клуби "Омония" жамоасини мағлуб этган бўлса (3:0), "қизил иблислар" “Реал Сосьедад”га имкониятни бой берди (0:1).