Лионель Месси Неймар ва Килиан Мбаппе ўртасидаги зиддиятни бартараф этишга ҳаракат қилди.
Август ойида "ПСЖ" ҳужумчилари ўртасида тортишувлар юзага келди, бунга сабаблардан бири Мбаппенинг жамоанинг асосий пенальтичисига айлангани эди.
L'Equipe нашрининг ёзишича, Месси жамоадошлари можаросида воситачига айланган. Аргентиналик футболчи кийиниш хонасида тез-тез ўзини кўрсатмайди, чунки у ўз қарашлари ва ғояларини бошқа футболчиларга юклашни ёқтирмайди, бироқ у бу вазиятга аралашишга қарор қилди.
Месси Неймар ва Мбаппени ўргатмади, балки улар ўртасида кескинликни камайтиришга ва алоқа ўрнатишга ҳаракат қилди.
