"Манчестер Юнайтед" бош мураббийи Эрик тен Хаг Криштиану Роналдунинг жорий мавсумдаги дебют голи ҳақида гапирди.
Португалиялик футболчи Европа лигаси ўйинида (2:0) “Шериф” дарвозасини ишғол қилиб, 2022/23 йилги мавсум бошидан бери етти ўйин давом этган голсиз сериясини бузди.
"Бу гол Роналдуга жуда керак эди”, дейди “қизил иблислар” бош мураббийи матбуот анжуманида. - Бу мавсумда у аллақачон кўп марта гол уришга яқин бўлди ва гол уришни жуда хоҳлаган.
Биз ундан хурсандмиз, бутун жамоа биринчи гол билан унга ёрдам беришни хоҳларди. Роналду пенальти тепишини ҳамма билади”, - дейди Эрик тен Хаг.