"Манчестер Сити" ҳужумчиси Эрлинг Холанд август ойида АПЛнинг энг яхши футболчисига айлангани ҳақида фикр билдирди.
“Бундан жуда фахрланаман! Барча жамоадошларим ва мухлисларимга катта раҳмат - сизнинг ёрдамингизсиз мен бунга эриша олмасдим!” – деб ёзди норвегиялик твиттерда.
22 ёшли ҳужумчи август ойида "Ман Сити" сафида 5 та ўйинда 9 та гол урди ва голли узатмани амалга оширди. Бу Премьер-лигага янги келганлар орасида рекорд старт ҳисобланади - Холанд Англия чемпионатининг 5 та очилиш учрашувида 8 та гол уришга муваффақ бўлган Майкл Куинн ва Серхио Агуэронинг рекордини янгилади.
