Мадриднинг “Реал” клуби ҳужумчиси Винисиус Жуниор жамоасининг август ойидаги энг яхши футболчиси деб топилди. Футболчи махсус мукофотга сазовор бўлди.
“Мен ўзимни жуда яхши ҳис қиляпман ва бу мавсум бошланишидан жуда ҳаяжондаман. Мен бу мавсум аввалгидек ёки ундан ҳам яхшироқ бўлишини хоҳлайман. Мен мураббийнинг ишончига эгаман ва ҳар куни ўсишда давом этиш учун астойдил ҳаракат қилишда давом этаман", - дея Винисиуснинг сўзларини келтиради клуб матбуот хизмати.
22 ёшли бразилиялик ўтган ой тўртта ўйинда майдонга тушиб, 2 та гол урди ва 2 та голли узатмани амалга оширди.
