Madridning “Real” klubi hujumchisi Vinisius Junior jamoasining avgust oyidagi eng yaxshi futbolchisi deb topildi. Futbolchi maxsus mukofotga sazovor bo‘ldi.
“Men o‘zimni juda yaxshi his qilyapman va bu mavsum boshlanishidan juda hayajondaman. Men bu mavsum avvalgidek yoki undan ham yaxshiroq bo‘lishini xohlayman. Men murabbiyning ishonchiga egaman va har kuni o‘sishda davom etish uchun astoydil harakat qilishda davom etaman", - deya Vinisiusning so‘zlarini keltiradi klub matbuot xizmati.
22 yoshli braziliyalik o‘tgan oy to‘rtta o‘yinda maydonga tushib, 2 ta gol urdi va 2 ta golli uzatmani amalga oshirdi.
