"Тоттенхэм" бош мураббийи Антонио Конте жамоасининг Англия премьер-лигасининг 7-тури доирасидаги "Лестер" устидан қозонилган ғалабаси (6:2) ҳақида гапирди.
"Шпорлар"нинг кореялик ҳужумчиси иккинчи бўлимда захирадан майдонга тушиб, хет-трик қайд этди. У аввал мавсум бошидан буён бирорта ҳам гол урмаганди.
"Биринчи бўлимда бизга ишонч етишмаганди, аммо алмаштиришлар катта роль ўйнади. Сон ажойиб ўйнади, уч марта гол урди, ярим соат ичида хет-трик қайд этди.
Лекин, албатта, биринчи бўлимда содир бўлган воқеани такрорламаслик учун яхшиланишимиз керак", - дейди италиялик мутахассис.
