"Tottenxem" bosh murabbiyi Antonio Konte jamoasining Angliya premyer-ligasining 7-turi doirasidagi "Lester" ustidan qozonilgan g‘alabasi (6:2) haqida gapirdi.
"Shporlar"ning koreyalik hujumchisi ikkinchi bo‘limda zaxiradan maydonga tushib, xet-trik qayd etdi. U avval mavsum boshidan buyon birorta ham gol urmagandi.
"Birinchi bo‘limda bizga ishonch yetishmagandi, ammo almashtirishlar katta rol o‘ynadi. Son ajoyib o‘ynadi, uch marta gol urdi, yarim soat ichida xet-trik qayd etdi.
Lekin, albatta, birinchi bo‘limda sodir bo‘lgan voqeani takrorlamaslik uchun yaxshilanishimiz kerak", - deydi italiyalik mutaxassis.
