Испания терма жамоаси Евро-2012 финалидаги рақиби - Италия терма жамоасини 92 йилдан буён юта олмай келмоқда, дея хабар беради Marca.
"Қизил фурия"нинг Италия устидан биринчи ва охирги ғалабаси (2:0) 1920 йилнинг 2 сентябрида Олимпиада ўйинлари доирасида бўлиб ўтган экан.
Шундан буён ушбу жамоалар расмий учрашувларда яна 10 марта дуч келишган. Бешта ўйинда Италяликлар ғалаба қозонган бўлсалар, яна беш ўйин дуранг билан якунланган.
Евро-2008 чорак финалида испанлар италияликларни пенальтилар сериясида мағлуб этган эдилар.
Эслатиб ўтамиз, бугун бу икки терма жамоалар Евро-2012 финалида чемпионлик масаласини ҳал қиладилар.
