"Манчестер Сити" плеймейкери Кевин де Брюйне "Ливерпуль" собиқ сардори Стивен Жеррарднинг АПЛдаги голли узатмалари бўйича рекордини такрорлади.
Кеча "Вулверхэмптон"га қарши ўйинда (3:0) иккита голли узатма туфайли белгиялик футболчи 92-голли узатмани амалга оширди. Худди шунча узатмани Жерррард ҳам қайд этган.
Daily Mail таблоидига кўра, бу кўрсаткични қайд этиш учун Де Брюйнега 287 та Жеррардга 507 ўйин керак бўлган.
Бу кўрсаткич бўйича рекордчи "Манчестер Юнайтед"нинг собиқ ярим ҳимоячиси Раян Гиггз ҳисобланади. Уэльслик футболчи Премьер-лигада 162 та голли узатмага эга.
